Den Lama Caribe
ORANJESTAD (AAN): E barco di marina Hulandes Zr.Ms. Groningen den un siman di tempo a intercepta 3 transporte di droga den region Caribe. Cu esaki un total di 1.653 kilo di droga a ser kita for di caya. E intercepcionnan ta data di 4, 5 y 9 di April, pero awor esaki a keda publica.
Durante e prome accion riba 4 di April, un avion patruyero di Wardacosta di Caribe Hulandes a nota un boto sospechoso tipo Go-Fast. Despues di esaki inmediatamente e NH90-helicopter cu tin abordo ademas di 2 boto di intercepcion rapido (FRISC) di Zr.Ms. Groningen, a keda desplega.
Pero esnan riba e boto sospechoso a dicidi na purba huy, y a cuminza benta e paketenan for di e boto tira den laman. Tripulantenan a keda neglisha señalnan di stop y tironan di advertencia. Un franco tirador abordo di e Helicopter NH90 a tira directamente riba e motornan di Go-Fast y destrui esakinan.
E ekipo di US Coastguard abordo, hunto cu Cuerpo di Marina a pisa e droga y el a yega na 921 kilo di marihuana.
Otro captura: Ni 24 ora despues, durante un patruyahe un biaha mas a detecta un boto tipo Go-Fast moviendo riba Lama Caribe. A sali bay riba dje tambe, y a oblig’e na final di stop. Esaki tabatin como 342 kilo di cocaina abordo, y tur esaki a wordo confisca.
Durante un accion similar riba 9 di April, un total di 145 kilo di marihuana ademas di 245 kilo di cocaina a keda confisca. Tur mercancia ilegal a keda entrega na US Coastguard.
Barco patruyero di stacion: E barco Zr.Ms. Groningen for di fin di Januari 2025 ta fungi como e barco staciona den Region Caribe. Ehecucion di operacionnan contra traficacion di droga ta un di su tareanan. Den esaki e barco di Marina ta traha ku variacion hunto cu US Coastguard y tambe Wardacosta di Caribe Hulandes.
Entretanto Zr.Ms. Groningen durante 6 transporte ilegal di droga a intercepta mas o menos 5.000 kilo di contrabanda.
