Premiere a tuma lugar Diabierna den Cas di Cultura:
ORANJESTAD (AAN) – Manera ta conoci Diabierna 12 di April ultimo a tuma lugar den Cas di Cultura e “red carpet” di e premiere di e pelicula “Siñami stimabo”. Señora Marilyn Richardson, den un entrevista cu DIARIO, escritor, productor y director di e pelicula.
El a duna di conoce cu esaki ta e parti 2 di e pelicula “Siñami stimabo”. E prome parti tabata manera “un huicio” y el a nace na 2015 y a wordo lanza na 2016. E tabata e meta di mustra con lihe nos ta huzga otro, y e parti 2 ta pordon, cual palabra ta papia pa su mes, cu nos mester pordona pa nos ta liber.
“Siñami stimabo” parti 1 a dura seis luna di filmacion pero parti 2, debi na hopi cos cu a sosode fuera di Marilyn su control, a dura 7 aña.
“Pues, siete aña pasa mi a filma e produccion aki. E pelicula aki ta pa tur hende, di tur edad, pasobra nos ta trata asuntonan di bida, cu tur hende ta enfrenta sin diferencia di sexo, raza, edad, etc. Cosnan duro por bati na porta di cualkier persona”, Marilyn Richardson a subraya. E pelicula tin un duracion di 2 ora y 17 minuut.
