ORANJESTAD (AAN): E persona kende Dialuna anochi a bira ganador di e jackpot gordo di Lotto di Dia, a presenta pa busca su premio.
Diahuebs, Maricella a yega na oficina di Lotto na Playa pa asina busca su premio. E funcionario di Lotto a revisa si el a pone su firma y e number di banco na e parti patras di e ticket, y despues a scan e barcode. E computer di Lotto inmediatamente a indica cu el a gana 118.000 Florin cu e wega di Lotto di Dia.
Maricella a splica cu el a forma su numbernan cu fecha di nacemento. Pues el a hunga e numbernan 07, 09, 12, 17, y 28 y cu esey el a gana.
Mesora a sigui cu e proceso pa transferi e premio electronicamente pa su cuenta di banco. Maricella a indica cu e ticket ganador el a cumpra na Suemar Lottery II.
