== Maricarmen Bikker kende ta studiando na Hulanda y ta trainer di un team di Damas U-11 a solicita for di luna di Mei e aña aki na FIFA pa traha como boluntario y asina experiencia un Copa Mundial di Futbol.
Pero FIFA no ta cubri su gastonan di ticket di viaje y tampoco su hotel. Pero su deseo a wordo realiza ora cu Jan Poets a logra haci e tramitenan necesario y a logra cu Maricarmen por hospeda na cas di un famia Arubiano aya na Qatar, Sr. Jannot Bislik y pareha Dyanna Agudelo pa asina e por realiza su trabao como boluntario.
PoetsTV danki na Jachmin Pinedo a percura pa Maricarmen logra un FIFA Credencial pa asina tog e por experiencia su soño pa biba un Copa Mundial aki na Doha, Qatar.
Maricarmen cu edad di 23 aña lo marca historia y alaves su soño a wordo realiza y sigur lo ta experiencianan inolvidable pe. (Foto: Jan Poets)