ORANJESTAD (AAN): Un di e weganan di mas popular di Lotto keto bay ta esun di Zodiac. Aki bo ta escoge un number consistiendo di cuatro cifra, y agrega un signo zodiacal na dje.
Esey ta loke Marcia a haci tambe. Pero el a soña cu su numbernan, y pesey el a bay hunga nan pa wega di Zodiac. El a bira feliz pa nota cu el a gana.
Pa tal motibo, riba Diamars el a acudi na oficina di Lotto na Playa pa reclama su premio. Ora cu a scan su barcode, e computer a indica cu Marcia a gana 75.000 Florin cu wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Marcia a indica cu e ticket ganador el a cumpra na JR II Lottery and Snack.
