ORANJESTAD (AAN): El a hunga su numbernan pa sorteo di Mini Mega, y aunke e no tabatin tur combinacion corecto, toch el a gana un bon cachi-cachi.
Manolo a presenta Diamars na oficina di Lotto na Playa pa reclama su premio. Aki mesora e empleadonan a check si el a pone su firma, y tambe su cuenta di banco na e parti patras di e ticket.
Ora cu a scan e barcode, e computer di Lotto a mustra inmediatamente cu el a gana e premio di 25.750 Florin cu wega di Mini Mega.
Mesora a cuminza cu e proceso pa transferi e premio electronicamente pa su cuenta di banco. Manolo a splica cu e ticket ganador el a cumpra na Ripiti y Gana III.
