ORANJESTAD (AAN): Durante fin di siman, National Hurricane Center na Miami
a cambia su pronostico un poco pa e Disturbio conoci como ‘95L’ cu ta como 1.300 km pariba di Caribe y cu ta moviendo direccion pabao.
Imagennan di satelite a demostra cu no tabatin hopi cambio den e ‘organizacion’ di e mal tempo aki. Awor nan ta pronostica cu e condicionnan ambiental ta djis marginalmente faborable pa e haya tiki desaroyo, toch nan ta kere cu e sistema aki lo por bira un Depresion Tropical dentro di e siguiente dianan, awor cu e ta moviendo west riba Oceano Atlantico y lo bay drenta den Lama Caribe. E chens cu e maltempo aki por desaroya den proximo 6 dianan ta mediano, esta apenas 40 porciento.
