ORANJESTAD (AAN): E tabatin su numbernan bon, pero no tabatin e Megaball. Pero toch el a gana di dos premio.
Pesey mes riba Diabierna, Lourdes y un chikitin a acudi na oficina di Lotto pa asina reclama su premio. Aki a percura pa check si e tin su firma poni patras, y asina a scan e barcode di e ticket.
E computer mesora a confirma cu Lourdes a gana e suma di 14.997 Florin.
Inmediatamente a cuminza cu e proceso pa transferi e premio electronicamente pa su cuenta di banco.
Lourdes a indica cu e ticket ganador mes el a cumpra na Citgo Boulevard.
