ORANJESTAD (AAN): Manera cu DIARIO a presenta caba den su edicion di Dialuna,
un cantidad record di droga a wordo confisca den fin di siman riba lama cerca di peninsula di Paraguana, estado Falcon na Venezuela.
Militarnan di Venezuela awor a divulga e peso exacto di e cargamento grandi di marihuana aki. El a pisa 2 mil 856 kilo. Esaki a forma casi 3 ton di droga.
Esaki ta e captura di cargamento di marihuana di mas grandi den ultimo 10 añanan, e general di Fuerza Armada Nacional Bolivariana (FANB), esta Domingo Hernandez Larez a declara.
Ademas di e 2.856 kilo di marihuana, a haya tambe 7,7 kilo di cocaina. Pues e total ta exactamente 2.864.550 gram di droga. Abordo di e boto cu tin 5 Outboard Engine, a haya 12 Venezolano y nan tabata preparando pa transporta e monton di droga aki pa isla di Martinique.
Segun militarnan Venezolano, a bin haya sa cu e 12 Venezolanonan aki a wordo contrata pa algun Colombiano na Alta Guajira, pa asina transporta e droga aki pa Martinique.
