ORANJESTAD (AAN): Hopi hende lo pensa cu kizas Comerciantenan Uni di Aruba ta haciendo ‘druk’ cu
e asunto di aumento di Transaction Fee di Debit Card for di 0,5 pa awor e 2,0%. Pues di cada compra cu bo haci... e comerciante tin di paga 2%.
Kizas e cifra 2,0 ta mustra di ta chikito. Pero si bo haci compras di frigidaire, stoof, wasmashin cu dryer y esaki a sali 10.000 Florin. Ora bo paga cu carchi.. e comerciante ta haya 9.800 Florin so. Pasobra 200 Florin a bay djis na ‘transaction fee’.
Aki bo ta mira cu e suma ta bira grandi y ta absurdo con halto e ta djis pa bo haci uso di un POS-Machine.
Un famia cu come y gasta 500 Florin na un Restaurant... e doño di Restaurant ta haya solamente 490 Florin, como cu Banco a kita 10 Florin pa transaction fee.
