ORANJESTAD (AAN): Algun curso interesante lo worde ofreci na comunidad. Esey ta loke directiva di Ateliers ’89 den Dominicanessenstraat a confirma na DIARIO.
Dialuna 25 di April pa 6:30 di atardi lo cuminsa e siguiente workshopnan. Esta di Scultura 3D cu plastico desechable, y tambe Fotografia cu Mata.
Nan ta dos diferente workshop dirigi pa dos dama artista, na mes un momento. Un ta e workshop di Scultura 3D yama "Repairing memories on plastic waste”. Dirigi pa e simpatico artista maestra Margherita Soldati di Italia.
E workshop di Fotografia cu Mata, hunto cu e artista simpatico esta e maestra Anne Lakeman di Hulanda yama, “Tracing Steps, finding memories in plants”. Pa inscribi por e-mail This email address is being protected from spambots. You need JavaScript enabled to view it. pa esaki.
Scultura 3D: E curso aki di drechando memorianan riba plastic waste pa e artista diseñadora Margherita Soldati, y den e workshop di ‘Repairing Memories”, nan lo drecha, recycla y duna bida nobo na obhetonan di plastic existente o kibra na pida pida, door di comparti nos storia cu hendenan den futuro. Plastic cu ta usa un bes so ta un problema grandi pa nos eco sistema y bienestar humano. Na mes un momento, nos ta rondona pa obhetonan plastico, waste y pida nan kibra chikito den nos bida diario. Con arte por yuda nos cambia e manera di deal cu nan.
Nos por a duna color agrega na e waste aki prome cu e bira waste na prome lugar? Durante e workshop, bo lo siña diferente tecnica di reparacion y manera di dobla, cu ta usualmente aplica pa textil (tela). E hermentnan di reparacion y tecnica cu lo worde usa lo yuda bo crea un brug di color entre obhetonan, crea structura nan nobo y patronchinan tangible, saca forma nobo y figuranan. Trece e piesa nan hunto pa asina duna bida nobo na bo propio naracion y creacion.
Fotografia cu Mata: E curso aki duna pa Anne Lakeman yama “Tracing Steps - finding memories in plants”, unda mata semper tabata un recurso di hopi inspiracion importante. Nos ta come nan, nos ta tene nan den nos cas, hasta nos ta bisti nan y nan prints nan riba nos bistirnan. Pero ki parti di un ta apela mas na bo persona? E ta su colornan, su textura, o su holor? O ta su resistencia pa crece mei mei di scheurnan den muraya?
Ta e forsa di su raiznan o e orguyo di su bunita blachi nan? Riba Aruba so tin mas di 500 diferente tipo di mata. Algun di nan ta originalmente di Aruba mes y otro a worde treci pa hende nan cu a biba na Aruba prome cu nos. Hopi storia ta worde teni pa mata, bo famia of un amigo?
Kizas ta e suave sombra di e Fofoti o Watapana ta loke ta pone bo corda riba bo madushi? O porta ta e holor dushi di e hibiscus ta pone bo corda riba un tanta? Den e workshop aki nos ta cuminsa na crea pa nos mes, mas concientisacion di e mundo rond di nos, door di observa e matanan cu ta crece den lugarnan di nos bida diario. For di nos cas nan pa e caya cu nos ta tuma pa nos trabao, pa e mercado o pa lama.
Lo usa diferente metodonan di tecnica y documentacion (manera syanotype, extradicion di color, tiñamento natural), extrae y transplanta mata. Na final, e idea ta pa saca potret di mata manera nos ta saca di un hende cu nos ta stiama y conoce.
E workshop nan aki ta pa un luna y ta di Dialuna pa Diahuebs for di 6:30 pa 9:30 pm y lo termina den un exposicion di e obranan concebi den e workshop, riba Diahuebs 20 di Mei. Edad ta 12 aña pariba.
