ORANJESTAD (AAN): Un bon iniciativa na Centro di Bario Noord, esta pa organiza un Music Summer Camp, pa muchanan por siña y haya lesnan di Piano y tambe Drums.
Nan lo combina musica cu wega, cu aspectonan di creatividad pa asina impulsa e muchanan den crea musica.
DIARIO a haya sa cu e nivel ta pa muchanan di 7 te cu 17 aña di edad, y ta poni den 3 diferente nivel, esta di (1) Esnan sin experiencia, (2) Beginner, y (3) Intermedio. E Music Summer Camp aki lo ta for di Dialuna 17 di Juli te cu Diabierna 21 di Juli, for di 8:30 am te cu 12:30 pm.
Tin un costo envolvi pa esaki, y ta inclui instruccion di Drums y Piano, cuminda, pasaboca, obra di man, y wega. Na final lo bay tin un presentacion di tur loke nan a siña. E cantidad di cupo ta limita.
