PR di AZV, Solange Tchong:
ORANJESTAD (AAN): Solange Tchong, Vocero di AZV a duna di conoce cu ya caba a cera un luna di e introduccion di e cambio den e lista di remedi. El a indica cu awor ta bay den un proceso di tres luna pa evalua con tur e proceso ta bayendo.
A palabra cu ta pasa den e periodo di evaluacion aki. Aworaki tin net un tiki mas cu un luna cu e cambio ta andando y ainda falta dos luna pa bay na unda ta bay evalua con esaki ta bayendo, unda mas por yuda como AZV pa duna informacion, pero tambe unda mas por yuda pa yuda e docternan mes pa corda cu tin e cambio aki.
Tchong a splica cu AZV ta consciente cu esaki ta un cambio despues di hopi aña. Den pasado tabata tin cierto decisionnan caba cu kier a ehecuta pero cu no a bay door. Aworaki cu a bay door cu tur e cambionan aki, AZV ta consciente cu ta tuma tempo pa docternan custumbra tambe cu e sistema nobo aki y cu e codigonan cu a bin adicional ariba e receta.
Fo'i di e periodo di evaluacion lo bin mas 'feedback' pa mehoracion, Solange Tchong a indica.
