ORANJESTAD (AAN): Lisa Dammerman tin 13 aña encarga cu e resort su posicion di Bridal Sepcialist, un guru completo den tur loke ta trata boda riba nos isla.
Regularmente el a haci un gran diferencia pa parehanan cu ta cla pa casa den nos isla tropical.
Su specialidad? Reduci stress, por medio di traha cu vendors y nabegando e decoracion y catering facilmente pa produci tremendo bodanan haciendo soñonan realidad, renewals, engagements y celebracion di anniversarionan inolvidabel na Aruba.
Lisa ta trahando como un Bridal Specialist desde 1 di Juni 2009, anto el a worde promovi pa Resort Experience Manager oficialmente riba 16 di December 2021. Su posicion nobo lo haci cu e lo ta encarga cu actividadnan di e resort, e oceanfront eforea spa, e dos bunita pool di e resort zero entry pools, e beach fantastico, y percurando pa e experiencia di nos bishitantenan ta excepcionalmente yena cu recuerdonan memorabel pa henter na bida.
Reflehando riba su tempo como un Bridal Specialist, Lisa ta bisa cu Hilton a worde anuncia como ganador di 2020 WeddingWire Couples’ Choice Awards®, un reconocemento cu ta worde haci anualmente por medio di profesionalnan top den e industria di boda rond mundo. Su team a gana e premio aki tres biaha caba consecutivamente, premia den calidad, servicio y respondi, como tambe profesionalismo, y revisa por medio di parehanan riba WeddingWire.
Na Juli 2020, di biaha despues di lockdown, Hilton Aruba Caribbean Resort & Casino a host su prome boda despues di a habri back e aña ey mes riba 9 di Juli. Lisa, totalmente entusiasma, ta comparti cu bishitantenan nunca a perde speranza riba Aruba y su team a yuda nan cristalisa nan soñonan, pa nan por a casa riba nos isla. Aruba ta un lugar fantastico pa amor manifesta, Lisa ta bisa.
Lisa ta contento di por cuminsa aplica su “habilidad di hende” den su patio nobo, e spa, e pool y beach, ofreciendo e mesun experiencia liber di stress na e bishitantenan pa asina por logra nan yega na e vacacion di nan soñonan riba nos isla.
