ORANJESTAD (AAN): Un di e weganan di mas popular di Lotto keto bay ta Zodiac. Bo ta djis escoge un number consistiendo di cuatro cifra, y bo ta agrega un signo zodiacal na dje, y cla bo ta!
Esey ta exactamente loke Lilia a haci, y el a bira contento pa mira cu su numbernan a sali.
Pa tal motibo riba Dialuna el a presenta na oficina di Lotto na Playa pa reclama su premio. Aki nan a controla si el a pone su firma, y tambe number di su cuenta bancario na e banda patras di e ticket, y asina a scan e barcode.
E computer di Lotto a indica cu Lilia a gana 25.000 Florin cu e wega di Zodiac.
Mesora a start e proceso pa transferi e premio electronicamente pa su cuenta di banco. Lilia a indica cu e ticket ganador a wordo cumpra na Tele Uno II.
