Celebrando Dia di Bestia
ORANJESTAD (AAN): Diabierna awor dia 4 di Oktober 2024, e hala hubenil di Aruba Lions Club cu ta e hobennan di LEO Club Aruba, ta organisando un actividad “Treat for Tails” pa duna atencion na e dia di bestia, y asina ta invita un y tur pa pasa cu nan mascota na nan club na Eagle.
Riba e diabierna aki nan lo prepara pa cada persona cu por pasa cu nan mascota den e caso aki enfocando riba pushi y cacho, lo ricibi un un pakete chikito como un cariño pa e mascota.
E actividad aki tambe lo recauda fondo dunando oportunidad pa saca potret (recuerdo digital) cu bo mascota pa por recorda e dia di celebracion aki hunto cu bo mascota, tambe lo tin diferente premionan cu por gana riba nos mesa di careda di cabay.
Presente lo tey tambe Tito Lacle “The Dog Specialist” cu por duna diferente informacionnan riba cacho, na otro banda lo tey fundacion “Stimami.Sterilisami” cu nan informacionnan tambe.
E hobennan di LEO Club Aruba den actividadnan asina ta siña organisa, hasi trabounan voluntario, reuni, y sigur lo siña con pa duna atencion y alavez concientisa tur persona pa duna bestianan tambe e atencion y cuidanan responsabel, paso nan tambe tin sentimiento.
LEO Club Aruba ta wardabo hunto cu bo mascota na Aruba Lions Club na Engelandstraat 11 (dilanti Eagle Tennis Club of banda di FEPOH) diabierna 4 di oktober 2024, for di 6or atardi pa 8or di anochi.
