ORANJESTAD (AAN): Siman pasa, Ministro di Enseñansa, Gerlien Croes,
a cera conoci cu e organisacion ‘Lead by Design’ di cerca. El a haya sa asina di nan programanan enfoca riba hoben entre 15 cu 18 aña, motiva pa sigui crea impacto positivo den nos comunidad.
Lead by Design Foundation ta yuda hobennan desaroya den individuonan hopi capacita, cu por progresa den tur aspecto di nan bida. Nan ta duna guia riba salud fisico, bienestar emocional, conexion social, crecimento academico y intelectual, bienestar financiero, y tambe asuntonan di carera of pa bira un empresario.
Na final Ministro Gerlien a duna danki na sra. Sharleen Tromp, fundador di Lead by Design.
