E prome hende muher den politica na Aruba
Laura na un edad di 15 aña a bai studia pa maestra na Hulanda. Laura a studia na RK Kweekschool Het Heilig Hart na Reuver.
Na 1931 Laura hunto cu Magdalena de Cuba ta caba nan estudio.
Na Aruba Laura ta traha na Mariaschool na Santa Cruz. Na 1937 Laura ta casa cu Willem Wernet y mester a kita for di trabao. Esaki tabata masha normal e tempo ey.
Laura semper tabata masha activo ariba tereno social. Laura tabata conoci pa su lucha pa derecho di hende muher. Un di su luchanan mas notable tabata na aña 1951 na unda Laura a mobilisa diferente gruponan di ama di cas den protesta contra gobierno y inversionista pa traha un centro di prostitucion na Juana Morto.
Den e tempo ey, cu ta añanan 1930-1948 ta hende homber so por a vota. Na 1948 a introduci derecho di voto general. Esey ta significa cu tur hende por a vota. Apesar si cu na 1937 e hende muher na Aruba por a participa como candidato ariba un partido politico. (Passief kies recht)
Na e mes un aña 1948 Laura Wernet-Paskel ta uni cu e partido politico UNA cu Felipe B Tromp como lider di partido.
Pa e eleccion di Staten na aña 1949 Laura Wernet- Paskel ta participa pa prome biaha den eleccion.
Laura ta logra 594 voto y pa falta di 13 voto, Laura no ta logra di saca su mes.
Den un kiebra den UNA Laura ta uni su mes cu UNA 2 lidera pa Apolonio Werleman. Laura ta participa na eleccion na aña 1950 pa Staten y na 1951 pa Eilandsraad.
Na 1955 Laura Wernet- Paskel ta retira for di politica activo.
Laura no a logra forma parti di Eilandsraad y ta na 1963 cu Maria Irausquin-Wajcberg a bira e prome dama pa bira miembro di Eilandsraad.
Na 1957 dokternan ta constata cu Laura ta sufri di cancer y dia 8 di September 1962 Laura Wernet- Paskel ta fayece.
Compila pa Roberto Croes
