ORANJESTAD (AAN): E siman cu a pasa, e hobennan di e banda cu ta yama nan mes ‘Los Rokkeros’ a lansa nan mes den Hard Grooves Jazz Cafe na Oranjestad.
Na e ocasion aki, tanto famia- y amigonan tabata presente pa disfruta y desea e integrantenan tur exito di mundo. E banda ta consisti di alumnonan di Filomena College Mavo na San Nicolas.
Algun cancion presenta tabata e cover “My kind of Women” di Mac DeMarco y nan cancion nobo titula “New Beginnings”.
E banda ta consiti di e gitarista Jason Diaz, basista Michael-John Johnson, e drummer Kendall Hoo y e cantante principal Davian Oyib. Los Rokkeros ta gradici Michaelangelo Koolman y tur nan amigonan cu a bin apoya nan.
Por bishita nan Instagram therokkeros page pa mas informacion.
