BUCARAMANGA: Dos hoben di 14 y 16 aña di edad ta recuperando den Hospitalnan, despues cu nan a logra sobrevivi un impacto di lamper na departamento di Santander na Colombia.
E hobennan aki parce nan tabata usando nan smartphone cu tabata conecta na chargernan, ora cu nan a ricibi e shock di e lamper.
E caso aki mes a socede den fin di siman cu a pasa na e bario Neftali di municipio di San José de Suaita. Na e lugar e momento ey tabatin awacero pisa ta cayendo, y e dos menornan aki tabata paden di nan cas, cu nan charger conecta na stopcontact di coriente ta cargando nan smartphone.
Y esey ta e motibo cu ora e lamper a dal, cu e energia aki a keda pasa den tur waya, bula e charger y bay dal den nan man. E waya di charger tabata pasa banda di corchon tambe, y esaki a kima e corchon, causando quemadura na nan pianan tambe.
Famianan a core bin yuda e hobennan, y a hiba nan na Hospital municipal, pero debi na e heridanan complica, nan a wordo traslada pa Hospital Regional, y despues un biaha mas traslada pa Hospital Universitario di Santander.
E hoben di 14 aña tin quemadura na su curpa cu ta parce di ta mas bien producto di un explosion fuerte. Esun di 14 aña tin quemadura na 15% di su pianan.
