Monica Kock, Presidente
ORANJESTAD (AAN): Presidente di Camara di Comercio (KvK), Monica Kock a duna di conoce cu KvK a tuma e decision di bay sinta cu otro gruponan. Nan a haya dos experto cu a bin cu alternativanan y a traha riba un concepto.
El a indica cu ta bezig pa traha riba un concepto definitivo pa por entrega e alternativanan aki na gobierno na lugar di bin cu 1% di aumento den BBO cu tin su consecuencianan.
Hendenan ta bisa cu ta 1% so, pero BBO su sistema ta mas cu 1% pasobra esaki ta un sistema acumulativo. Kiermen cu bo ta paga 1% ora un hende bende cu A, A cu B, B ta bende cu C. Esey ta e consecuencia den e BBO, Kock a bisa.
E motibo pakico e 1% aki a bin ta pasobra gobierno mester genera mas placa pa paga pa e deficit. Camara di Comercio tin hopi tempo caba ta dunando comentario cu e prome cos cu tin cu haci ta corta gastonan. A duna gobierno diferente sugerencia den pasado y ta ripara cu nan decision awor kico ta bay haci ta aumenta e impuesto.
Monica Kock a laga sa cu KvK no a ricibi e concepto di e ley riba kico precis nan ta bay cambia. Pero tin si kico tur ta bay haci separa di e 1% ey. Ta bay pone focus riba e 'tax compliance' di e Airbnb, cual ta algo c KvK ta di acuerdo cu ne.
KvK a laga sa cu nan ta mas interesa den wak e resultado di e entradanan cu gobierno ta bay tin a consecuencia di esaki. Pasobra e Airbnbnan (hospedahenan alternativo) den pasado caba por a yega na un acuerdo cu Airbnb mes pa nan por a cobra e placa ey directamente y genera e entrada aki pa Aruba.
Kock a lamenta cu 5 aña a pasa y nada a wordo haci. KvK a insisti hopi riba esaki y ta tristo cu tur e tempo aki no a cobra placa riba e Airbnbnan, entrada cu tabata suppose di un den caha di gobierno.
Den e raport esaki ta poni y tin hopi mas punto den dje y pa otro siman KvK lo presenta esaki den detaye, e presidente di Camara di Comercio a duna di conoce.
