ORANJESTAD (AAN): Aruba ya no mester inventa wiel mes! Hopi otro pais a introduci legislacion cu a yuda elimina e tipo di ‘problema’ aki pa semper!
Djis tuma como ehemplo algun pais bisiña, caminda ya for di decada di 1980 caba, ta aceptable pa tur hende sinta riba cualkier banki of rand di baki di mata den ciudadnan. Pero ta absolutamente prohibi pa bo bay horizontal usa e banki ey como un lugar pa drumi of rek curpa un rato.
Si acaso Aruba reenforza e regla aki, sigur lo bo por elimina e tipo di bista aki cu bo ta mira tur dia den Oranjestad! Cierto Adicto Ambulante ta extra ocupa durante anochi y marduga, y den dia nan ta usa cualkier lugar publico pa busca un forma pa drumi na un forma horizontal.
Ki dia algo ta wordo haci cu e Adictonan Ambulante cu ta sigui forma un mahos bista, y cu pa colmo mesora ta spierta asina cu nan sinti un ciudadano pasa den cercania, y cuminza haci fastioso exigiendo 5 Florin. Parce cu pa nan tambe, ya inflacion nifica cu nan NO ta ni pidi mas pa 1 Florin, sino di biaha ta exigi un limosna di 5 Florin.
