ORANJESTAD (AAN): Un di e popular weganan di Lotto ta sigui di ta Zodiac.
Aki bo ta escoge un number consistiendo di cuatro cifra, y ta agrega un signo zodiacal y cla bo ta den wega.
Esey ta loke Keila a haci tambe, y el a gana! Pesey riba Dialuna el a acudi na oficina di Lotto na Playa pa reclama su premio.
Trahadornan a revisa su ticket y scan e barcode, y inmediatamente a haya sa cu el a gana 12.500 Florin cu wega di Zodiac.
Asina a start e proceso pa transferi e premio electronicamente pa su cuenta di banco. Keila a indica cu e ticket ganador el a cumpra na Lucky Moko.
