President di Parlamento
- “Gobernacion ta algo serio, mescos ta e trabao di Parlamento”
ORANJESTAD (AAN): E siman aki Raymond Kamperveen a duna informacion tocante e ultimo desaroyonan pa lo cual ta un reunion publico cu
a keda di worde yama cu Minister President demosionario Evelyn Wever
Croes.
El a splica cu e reunion aki a worde peticiona door di fraccion nan Accion21 y MAS riba 29 di juli 2024 pa Minister President demisionario bin duna cuenta na Parlamento cu posibel metemento di su persona den Ministerio Publico.
Kamperveen a informa tur fraccion riba 4 di october ultimo e dianan tentativo cu e lo yama reunionan publico, incluyendo esun aki. Desde cu el a manda un invitacion pa Minister President demisionario hopi insinuacion, atake politico y personal, y sensacion pa causa division y odio a tuma lugar.
A tilda mi persona y fraccion di ta complice di un mocion di desconfianza (sin base) y ta instiga pueblo politicamenta den un forma iresponsabel. E ta lamentable pa wak e comportacion aki di un Prome Minister. Unda e ta uza plataformanan di gobierno di Aruba pa probecho politico, atakenan personal y pa fomenta emocionan di rabia den pueblo.
Como Presidente di Parlamento mi tin e deber di percura pa e seguridad di Parlamento completo. No por ta asina cu riba invitacion di Parlamento pa un Minister President demisionario bin duna cuenta na Parlamento e ta comporta di e manera aki. Niun Minister mester tin miedo of hunga victima y sigur no fomenta odio den comunidad ora Parlamento haci su trabao.
Como presidente di Parlamento mi a dicidi durante e periodo cu gobierno ta demisionario haci tur reunion publico un reunion informativo (openbare bijeenkomst). Mi ta sinti mi mester haci esaki pa mantene ordo den nos Pais. Y si pa cualkier motibo durante e reunionan aki informacion ta sali afo cu ta indica un reunion publico ta na su luga mi lo yama esaki.
El a termina bisando: “Gobiernacion ta algo serio, mescos ta e trabao di Parlamento.”
