ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal pa asina bo ta den wega.
Esey ta loke Jorge a haci tambe! El a traha su numbernan, cualnan el a mira riba un auto, y el a gana tambe!
Pesey mes riba Diahuebs siman pasa, Jorge a acudi na oficina di Lotto na Playa pa reclama su premio. Aki mesora el a pasa su ticket pa e trahadornan cu a check si el a pone su firma patras, y despues a scan e barcode. E computer a confirma mesora cu el a gana 14.750 Florin cu wega di Zodiac Merdia.
Despues di esey mesora a cuminza cu e proceso pa transferi e premio electronicamente pa su cuenta di banco. Jorge a indica cu e ticket ganador el a cumpra na Bon Suerte Lottery.
