ORANJESTAD (AAN): Mas y mas pueblo ta tumando nota, cu ta hopi hende mes ta hungando nan weganan pa e sorteo di merdia di Fundacion Lotto pa Deporte.
E weganan aki ta tuma lugar pa 2:30 pm den siman, y Diadomingo ta 2:00 pm.
E ciudadano Johnny tambe a traha su numbernan di suerte, y a purba check cu e sorteo di Catochi. Y el a keda contento ora el a haya sa cu el a gana.
Pesey riba Diamars el a acudi na oficina di Lotto na Playa pa reclama su premio. Aki nan a revisa su ticket, y ora di scan esaki, a haya confirmacion di computer cu el a gana 20.000 Florin cu e wega di Catochi Merdia.
Asina a sigui cu e proceso pa transferi e premio electronicamente pa su cuenta di banco. Johnny a indica cu e ticket ganador el a cumpra na Flores Lottery.
