ORANJESTAD (AAN): E wega tan stima di Zodiac, ta uno caminda bo ta pone un number consistiendo di cuatro cifra, y bo ta djis agrega un signo zodiacal pa bo ta den wega.
Esey ta loke Jessifer a haci tambe, y a bira contento pa nota cu el a gana. Pesey riba Diahuebs el a presenta na oficina di Lotto na Playa pa reclama su premio.
Aki e funcionarionan a revisa su ticket, y ora cu a scan e barcode, e computer a confirma cu Jessifer a gana 25.000 Florin cu e wega di Zodiac.
Mesora a sigui cu e proceso pa transferi e premio electronicamente pa su cuenta di banco. Jessifer a indica cu e ticket ganador el a cumpra na Citgo Boulevard.
