ORANJESTAD (AAN): Diabierna anochi el a keda feliz pa mira cu su numbernan 05, 07, 20, 26, y 28 a sali pa e sorteo di Lotto di Dia.
Jessica a bira contento, pasobra esey ta e numbernan riba su ticket cu numbernan loco cu el a cumpra!
Pesey mes riba Dialuna, Jessica a acudi na Oficina di Lotto na Playa pa busca su premio. Na su yegada e funcionarionan a revisa su ticket pa check si el a pone su firma y su numbernan di cuenta di banco na e parti patras. Ora di a scan e barcode riba e ticket, e computer a confirma mesora cu Jessica a gana e jackpot di 67.000 Florin.
Mesora a cuminza cu e proceso pa transferi e premio electronicamente pa su cuenta di banco. Segun Jessica, e ticket ganador a wordo cumpra na Wan Tu Lottery na San Nicolas.
