ORANJESTAD (AAN): Diabierna anochi laat, e evento di Miss Youth Aruba 2024 a anuncia nan ganadora! El a bira Jeannely Winklaar,
un dama hoben di 18 aña representando San Nicolas y patrocina pa P’Thierre Beauty Make-up. El a bira ganadora tambe di Miss Youth Model. Por a mira momento di emocion grandi pa Jeannely ora a anuncia cu el a gana, y tanto su mama y tata a core yega te escenario pa braza Jeannely.
El a wordo corona door di organizador Robin Croes Ponson, y anterior Miss Youth Aruba, esta Amelia Elskamp a instala e sjerp.
Prome finalista a bira Raiy-Shenne Girigorie di Savaneta. Segundo finalista a bira Guizza Maria Steenvoorde di Santa Cruz. Tercer finalista a bira Amalia Niebles Diaz di Oranjestad.
Maestronan di ceremonia tabata Alexia Chin y Lyonel Dirksz, y a conta cu un escenario bunita decora cu tema asiatico.
Den demas premio, Miss Youth Elegancia a bira Guizza Maria Steenvoorde di Santa Cruz. Miss Youth Model a bira Jeannely Winklaar.
Algo admirabel ta e hecho cu tur e otro candidatanan tambe a haya un corona, y un sjerp di ‘finalista’, como cu nan tur a traha super duro pa e simannan di e evento aki. Pues na final ta tur tabatin un corona riba cabez.
