ORANJESTAD (AAN): Diasabra anochi a tuma lugar den Aruba Carnival & Entertainment Village e competencia di Tumberito y Festival Tumba Hubenil.
Tremendo presentacion riba escenario, cu apoyo fenomenal di publico. Na final e ganador cu a bira Rey di Tumba Infantil (Tumberito) a bira Jaymerson Kelly cu e cancion “Oloshi Cana Pami”. Esaki ta un composicion di Chendell Beaumont, y aregla door di Dwight Leoneta.
Na di dos lugar a finaliza Hailey Koolman cu e cancion “Ban Carg’e”.
Demas premionan: E premio di Best Costume a wordo gana doro di Jaymerson Kelly. E premio di Mas Ambiente a bay pa Jaymerson Kelly. E premio di Mas Popular a bay pa Hailey Koolman. E premio di Rookie of the Year a bay pa Jaymerson Kelly.
