Manera DIARIO a indica: *931 caso nobo raporta entre diasabra y diadomingo
ORANJESTAD (AAN): Riba diadomingo, Departamento di Salud a informa cu 432 persona a recupera y un total di 427 caso nobo di COVID-19 a keda registra di cual 133 ta no-residente.
E cifranan aki ta representa un 'Positivity rate' bou di residentenan di 71%. E cantidad di casonan activo di COVID-19 ta 3115 y cantidad di fayecidonan relaciona cu COVID-19 ta 181. Datonan ta ilustra casonan nobo di COVID cu un averahe semanal di 546 caso pa dia y un averahe di 'positivity rate' semanal di 58% pa dia.
Actualmente na Aruba tin 13 persona interna debi na COVID di cual den ICU tin 2 persona y riba piso general tin 11.
Na Colombia tin actualmente 3 persona den ICU y ningun (0) riba piso general.
DIASABRA 1 JANUARI
Pa loke ta diasabra, DVG a raporta cu 258 persona a recupera y tabata tin un total di 504 caso nobo di COVID-19 a keda registra di cual 110 ta no-residente.
E cantidad di casonan activo di COVID-19 tabata 3058 y cantidad di fayecidonan relaciona cu COVID-19 181.
DIABIERNA 31
Resumen di diabierna a trece dilanti cu 716 persona a recupera y un total di 742 caso nobo di COVID-19 a keda registra di cual 107 ta no-residente.
E cantidad di casonan activo di COVID-19 tabata 2795 y cantidad di fayecidonan relaciona cu COVID-19 81.
Esaki ta e cifranan cu Departamento di Salud a suministra riba e dianan aki, entre Diabierna te cu Diasabra.
Den total, Aruba a habri aña 2022 cu un total di 931 caso nobo (cifranan di diasabra 1 di Januari y Diadomingo 2 di Januari) y 3115 caso activo. E totalidad di casonan positivo di Covid-19 na Aruba for di inicio di e pandemia ta di 21.471.
