ORANJESTAD (AAN): “Den e 5 añanan di existencia di Inspectie Volksgezondheid Aruba (IVA),
for di tempo cu a bin cu un ley nobo te unda cu nos ta para awe, como Inspectie nos a pasa un trayectoria di 5 aña cu por tabata cortico pero cu hopi cos cu a tuma lugar”.
Pesey nos a dicidi di para keto awe trempan cu nos trahadornan pa nos celebra esaki un rato, segun Dorylee Pappers Lopez Penha, Inspector General di IVA a bisa Dialuna durante un conferencia di prensa.
El a indica cu den 5 aña a ripara cu tin hopi hende cu tin varios aña ta traha riba e tereno di cuido y toch no conoce otro.
“Nos ta papia di otro y no cu otro y esey ta e parti di comunicacion cu nos kier mehora”.
Como Inspectie nos kier wak un veld cu ta traha mas posibel hunto.
Esey ta pasando mas actualmente, pero semper tin camindanan cu por mehora mas.
Pesey nos kier a duna e dunadornan di cuido e plataforma, pa nan duna nan parti, segun Lopez Penha, kende a indica cu durante un conferencia cu ta bay tuma lugar riba 25 y 26 di November, e dunadornan di cuido ta haya un bon chens di comunica hopi bon cu otro.
