Inspector di IVA Cheryl Fingal:
*Hunto nan lo traha leynan di maneho
ORANJESTAD (AAN) – Inspector di IVA, señora Cheryl Rosa Fingal, a indica den entrevista cu DIARIO, cu e momento a yega cu e aña aki IVA a bin atrobe cu e Inspectie Militaire Gezondheidszorg, y invita henter e veld di cuido di boca, pa dos sesion tocante e tema, y eynan IVA a presenta loke nan tin di Toezichtkader, “pasobra como Inspectie, nos no mag di traha maneho; pero, sin maneho nan no por haci inspeccion tampoco”, Fingal a splica.
“Na e momento ey nos mes a dicidi cu nos ta bin cu algo cu nos ta yama nos toezichtkader, y nos a bin cu ne den concepto cu tools pa e veld. Pasobra hopi biaha tin hende ta bisa cu nos ta sinta tras di kantor, tras di computer. Den parti nan tin razon, y den parti nos ta den veld tambe, pero nan ta e expertonan y nos kier a check cu nan, con e toezichtkader ta yega.
Nos a invita por lo menos 90 profesional den e cuido oral, y 45 a bin den dos anochi, cu pa nos ta un exito hopi grandi pa wak dentista cu e tecniconan dental na mesa, hunto cu e higienistanan dental, pa nos papia di e impacto”, Inspector, señora Fingal, a informa.
El a agrega cu nan a dicidi pa tuma e leynan y reglanan di Hulanda. El a splica cu e Memorie van Toelichting ta bisa, den nos leynan, cu nan mag di tuma e leynan di Hulanda. “Dus, nos a bisa ‘laga nos cuminza un caminda; si nos ta premira cu nos no a topa hopi discusion y bo ta wak cu hopi hende y e dentistanan tambe ta haya hopi necesario pa haya e duidelijk recht leynan pa nan sa kico ta kico. Como mitad nan tin nan diploma di Hulanda, otro mitad ta di region y toch nos ta ripara den tur e procedure cu pa nan ta welcome.
Claro, tin hopi cos cu pa añanan a wordo haci aki na Aruba, na cierto manera pasobra no tabata tin recht leynan. Pues, bo ta bay con nan a subi tereno di otro, anto ey nan nos a haya den pasado cierto melding, cu nos a puntra kico nos por haci si nos no tin e leynan fiho di maneho ey, cu nos por bisa ‘abo si, abo no’, abo esaki’ y ‘abo otro cos’’, Inspector Fingal a bisa y a palabra cu nan tambe, cu IVA hunto cu e veld, y e sectornan di cuido di salud di boca, lo sigui wak pa nan sigui bay wak con pa traha leynan pa cuido di calidad, pa bin na vigor na cierto tempo.
