ORANJESTAD (AAN): Tabatin varios persona cu Diabierna anochi a gana cu e sorteo di Zodiac, cu tabatin e number 6666 y signo Leo como resultado final.
DIARIO a bin haya sa cu un otro ganador a resulta Isabel, kende a acudi Diamars na oficina di Lotto na Playa pa reclama su premio. El a mustra nan su ticket, cu mesora a wordo revisa si el a pone su firma banda patras, incluyendo su number di cuenta di banco.
E computer inmediatamente a indica cu Isabel a gana 25.000 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Isabel a indica cu e ticket ganador el a cumpra na The Lucky Spot.
