ORANJESTAD (AAN): Den e material di educacion cu a worde lansa recientemente,
tin un oportunidad unico pa tur 3e klas di scol basico na Aruba; un les cu yama “Dierendiploma” (groep 5 les 13). E les ta trata un pakete digital pa alumnonan den groep 5, na Aruba 3e klas.
E pakete a worde diseña door di ‘Stichting Met Dieren Meer Mens’ na Hulanda y a worde poni na disponibilidad di e docentenan na Aruba tambe a traves di e les mas ariba menciona. E pakete ta trata e responsabilidad di tin un mascota y ta consisti di un parti teoretico cual lo por worde amplia cu un parti practico cu ta e parti opcional.
Prome Minister Evelyn Wever-Croes ta extende un invitacion na tur docente di 3e klas, mirando cu actualmente Hulanda tin un campaña caminda nan ta busca e scol di cual e alumno lo haya e di 800.000 DierenDiploma, y ya cu Hulanda a manda puntra si Aruba tambe lo participa na e campaña, mester haci uzo di e oportunidad.
Na caminda pa e dia mundial di bestia, y cu e lespakket interactivo, e fundacion ta pidi atencion pa doño responsabel di mascota. Participacion ta facil. E docente mester indica via email cu su klas ta participa y mester haci e lesnan obtenibel via e website durante e luna di october. Mas tarda dia 1 di november lo haya sa si e klas tin e ganado/ganadora.
“Lo ta hopi great si e di 800.000 Dieren Diploma worde gana aki na Aruba mes, y mi kier curasha tur docente di 3e klas pa haci uzo di e pakete, y ful e material di educacion en general”, Prome Minister a expresa.
