ORANJESTAD (AAN): Fundacion Parke Nacional Aruba ta indica cu Raton di Anochi tin un rol importante den e ecologia di e islanan di Aruba, Boneiro, y Corsou (ABC islands).
Sin embargo, mayoria especienan di Raton di Anochi riba e islanan aki ta of den peliger of nan status di conservacion no ta conoci.
E publicacion reciente di e Ratonan di Anochi cu ta biba den cuebanan riba e islanan ABC ta un resultado di un esfuerso di diferente institucion y pa varios aña, di cual FPNA tabata un colaborador y sostenedor instrumental aki na Aruba.
E investigacion importante aki ta presenta un punto di referencia solido pa futuro investigacionnan riba Ratonan di Anochi di cueba na e islanan ABC y pa considera pasonan fundamental pa yega na conservacion exitoso di Ratonan di Anochi riba e islanan.
Potretnan cortesia di Aruba National Park Foundation
