Suzette Dumfries cu ultimo capitulo serie di Masterclass ‘Power Moves’
ORANJESTAD (AAN): Suzette Dumfries ta lansa e ultimo capitulo di e serie di Masterclass ‘Power Moves’: Un mision pa empodera Arubano pa inclui nan mes den nos desaroyo economico.
Pa prome biaha, economista y constructor di nacion -nation builder- Suzette Dumfries ta pone e instrumentonan di poder economico directamente den man di pueblo di Aruba pa medio di su iniciativa di transformacion di comunidad “Power Moves.” Dumfries ta bisa: “Esaki no ta teoria. Esaki ta transformacion.”
Dumfries ta kere firmemente cu un economia ta worde crea door di e pueblo y pa e pueblo, pero solamente ora pueblo ei tin accesso real na oportunidad y e medionan pa actua. “Si nos no ta doño di loke nos ta construe como pais,” e ta bisa, “nos ta djis espectadornan den historia di nos mes pais.”
Mirando back riba dos decada di crecemento economico na Aruba, un cos ta dolorosamente cla: loke a sosode na Noord no por worde ripiti. E desaroyo tabata real, pero tambe e exclusion. Arubianonan a construi, sirbi, limpia, crea... pero nan no tabata doño.
Awor cu San Nicolas ta na rand di su propio lantamento economico, Dumfries ta determina pa cambia e narativo ey. San Nicolas ta e siguiente capitulo den historia economico di Aruba, y su mision ta pa percura pa Arubianonan no sinta na banda, pero mas bien fungi como doño di e progreso.
E mision ey a haya forma den Power Moves: un serie di masterclass di tres parti cu ta siña Arubianonan con pa construi rikeza colectivo pa medio di compra colectivo di propiedad comercial. Na Mei, Parti 1 di e serie di masterclass Power Moves, a trece hende hunto pa forma gruponan di invershonista y dal nan prome pasonan pa ta propietario. Hunto cu arquitecto Gershon Pocorni y notario Ted Johnson, Dumfries a siña participantenan con pa crea grupnan di inversion, crea structuranan legal, identifica edificionan, y sigui padilanti hunto pa inversion colectivo.
Na Juni, Parti 2 a bay mas profundo. Cu voznan clave di e mundo di finanzas y seguro, incluyendo Paul Vandormael di e mundo di Finanza Corporativo y Henry van den Bergh, Managing Director di ENNIA, e participantenan a haya sa exactamente unda e placa ta, cuanto di dje ta circulando na Aruba y kico institucionnan kier wak den un business plan prome cu bisa si. E tabata un curso di tempu pa compronde con capital ta funciona: y con pa haya acceso na dje.
Awor, na Juli, ta bini e parti mas importante: Parti 3, E Plan di Negoshi Finansiabel. Durante tres dia, 12, 13 y 14 di Juli, Suzette Dumfries lo splika personalmente kico mayoria hende nunca ta haya e chance di siña: e metodo real cu banconan, aseguradonan y fondonan di invershon ta usa pa determina ken ta haya finansiamentu y ken no.
Participantenan lo siña cua indicadonan finansiero ta importante, con pa evalua riesgonan, ki medidanan di proteccihon banconan kier wak den e lan y con pa skirbi un plan di negoshi cu ta papia e idioma di finansiadonan – pa asina nan duna un berdadero ‘si’.
Dia 1 ta enfoca riba e indicadonan finansiero clave y e proporcionnan cu ta wordu usa pa evalua si un proyekto ta bankabel. Dia 2 ta explora strategianan di riesgo, proteccion y seguro— y dikon nan ta importante pa inversionistanan. Dia 3 ta trece tur cos huntu den un sesion di skirbimentu poderoso cu ta mustra partisipantenan exactamente con pa crea un plan di negoshi sufisientemente fuerte pa move capital.
Esaki ta un oportunidad di un biaha den bida y un acercamentu sumamente stimulante, pasobra hende lo siña finalmente kico bankonan, aseguradonan y invershonistanan ta buscando realmente ora di disidi cua plan y proyectonan pa financia. Suzette Dumfries ta haci esaki pasobra e ta kere cu progreso y prosperidad mester worde comparti. Poder mester wordo siña. Y oportunidad mester ta habri pa tur hende. “Pasobra ora San Nicolas lanta, Arubianonan mester ta doño di un pida di dje,” e ta bisa.
