ORANJESTAD (AAN): Despues cu na 2020 Sarah v/d Steen a keda corona como Miss Aruba Online 2020 y
aña pasa Eunice Albertsz a bira Miss Aruba Online 2021, awor e oportunidad tey pa corona e siguiente ganadora di e titulo prestigioso aki.
Pa participa e candidata mester tin 18 pa 30 aña di edad durante e periodo di competencia (5 di Maart – 16 di April, 2022). Tambe e candidata mester tin Nacionalidad Hulandes of (t)a biba por lo menos 5 aña na Aruba. Candidata mester compronde y papia Papiamento. Candidata tin un telefon/camara cu por usa pa filma of saca potret cu ne. Candidata mester participa na tur 10 reto (‘Challenge’).
Candidata mester ta presente na “Anochi di Instalacion, Moda y Beyeza” y “Anochi di Coronacion”. Candidata mester tin un Instagram y Facebook account (personal). Riba e Instagram y Facebook account (personal y/of fanpage) di e candidata no mag di promove violencia, vandalismo, abuso di droga of alcohol of cualkier otro acto/comportacion cu ta perhudica e bienestar general di su mes y/of di otronan.
Lo cobra un suma pa inscribi na Miss Aruba Online (MAO), y tur candidata mester entrega 1 potret di cara (na color) pa introduccion riba social media hunto cu e pago di inscripcion. Inscripcion pa MAO’22 ta cera Dialuna 28 di Februari 2022.
E ganadora di MAO’22 lo ricibi 1.000 Florin cash como premio, mas otro regalo.
E ganadora di cada Challenge lo ricibi 50 Florin pa e reto cu el a gana (Pues por gana 500 Florin total). Pa mas informacion por bishita e Instagram page missaruba_online.
