Sigueinte simannan...
ORANJESTAD (AAN): Durante e siguiente tres simannan, 184 militar Hulandes di Ehercito Real di Hulanda ta train na Corsou y Aruba como parti di e ehercicio anual di ‘Caribbean Engineer’. Personal di 103 Compania di Construccion (parti di 101 Batayon di Ingeniero) ta traha na nan habilidadnan tecnico den condicionnan tropical y ta ehecuta varios tarea riba lugarnan di Ministerio di Defensa y pa e comunidat local.
Pa e ingenieronan di combate, e ehercicio anual aki ta ofrece un oportunidad pa practica nan competencia bao di condicionnan di clima dificil.
Trabao na Corsou: Durante e ehercicio, e soldatnan ta trahando riba un variedad di proyectonan tecnico. Na Corsou, nan ta expandiendo e shelter di vehiculo na Base Naval Parera. Nan ta nivelando tambe e areanan di parkeer na e Asociacion di Deporte Aquatico di Brakkeput y ta mehora e dos camindanan principal na e tereno di entrenamento di Wacawa. Adicionalmente, e soldatnan ta instalando panelnan solar riba e dak di Forward Operating Base Maduro, tambe situa na Wacawa.
Un parti di e ehercicio ta dedica tambe na e comunidad local. E soldatnan ta ehecutando varios tarea na e centro di cuido y tratamento pa hende grandi di Betesda, manera reemplaza aparatonan sanitario y aparatonan di lus y mehora instalacionnan electrico.
Trabao na Aruba: Aki na Aruba, operando for di e Marinierskazerne di Savaneta, e ingenieronan di combate ta ehecutando diferente tarea na e pueblo di entrenamento, optimalizando asina e facilidadnan di entrenamento.
E soldatnan ta uzando un rango di mashinnan pisa pa e tareanan aki. Asina durante e siguiente simannan, nan lo wordu mira ta opera vehiculonan Bobcat, Truck, Excavators, Grua, Bulldozers, y steamrolls. E uso di heavy equipment aki ta permiti nan realisa operacionnan extenso.
E ehercicio di ‘Caribbean Engineer’ ta permiti e ingenieronan di combate pa mantene nan competencia tecnico. Na mes momento, nan actividadnan ta contribui na sitionan di defensa, facilidadnan di entrenamento y comunidad local.
