Director di Utilities Aruba NV, Joseph Everon:
ORANJESTAD (AAN): Na momento cu na juni ultimo, Utilities Aruba NV a haya un directiva nobo, a haci un evaluacion di e situacion e tempo ey. Director Joseph Everon a duna di conoce cu tabata incineration riba mesa tambe pero mirando e situacion, a dicidi di bay upgrade e sistema pa sigura cu ta cumpli cu medio ambiente y siguridad di tur empleado y tambe cu por maneha e fluho di desperdicio medico y e procedura di sludge cu ta drenta. Señor Everon a remarca cu a haci ahustenan na e proyecto y despues di e lunanan cu a pasa, e incineratornan tey y e instalacionnan ta andando.
El a agrega cu banda di esaki, a busca dos mobile ‘incineration units’ cu ta cumpli cu tur standard. Esaki ta necesario pa no interumpi e proceso di keda maneha y procesa. Den caso di emergencia, tin capacidad pa sigui traha den oranan cu desperdicio medico drenta.
Señor Everon a remarca den un entrevista cu DIARIO cu, diferente na anterior, a haci diferente ahustenan entre otro, a cambia combustibel y bay riba LPG, cu ta kima mas limpi y mas eficiente. Tambe a bin cu e sistema di dos chamber pa kima tur bacteria y emiti aire limpi. Y por ultimo a bin cu un sistema di monitoria e emicionnan y cu ta manda señalnan pa e sistema den caso cu no ta kima bon, e por ahusta e proceso pa semper emisionnan keda den e normanan europeo.
Señor Everon a duna di conoce cu den portofolio Awss ta indica cu por kima sludge di e Wastewater Facilities, desperdicio medico, productonan cu ta wordo confisca, documentonan importante y cadavernan di bestia.
{gallery}Incinerator ta kima mas limpi, ta mas eficiente y barata y emiti aire limpi{/gallery}
