ORANJESTAD (AAN): E siman aki, henter e team di ImSan ta celebrando e hecho cu nan ta operando ya pa un aña, bao di e seyo di ‘Control di Calidad’,
y totalmente acredita pa e prestigioso entidad internacional di Joint Commission International (JCI).
Director di ImSan, Dr. Joel Rajnherc a indica cu e etapa cu nan a logra aki, ta un testament di e trabao duro di tur hende, incuyendo e dedicacion, e espirito di colabora, cu ta sigui pusha nan bay dilanti.
Hunto nan a logra sobrepasa retonan, a celebra exitonan, y continuamente a sigui enbusca di excelencia den e trabao. Danki na e esfuerzonan combina aki cu e dedicacion enfoca, cu nan por ta orguyoso di loke a wordo logra.
E Director di ImSan a gradici e empleadonan pa nan pasion, nan ideanan inovativo, y sosten continuo. E logro di ta 1 aña caba celebrando e funcionamento bao acreditacion di JCI, ta danki na e team cu tin na ImSan. Y e ta sigur cu nan lo sigui logra mucho mas etapa y exito nan dilanti.
