ORANJESTAD (AAN): Un di e weganan di mas popular di Lotto, esta Zodiac ta keda produci ganadornan contento.
Recientemente Idabell a soña cu su numbernan, y el a dicidi na memoriza nan y a bay cumpra nan pa sorteo di Zodiac, y a agrega un signo zodiacal.
El a bira feliz pa nota cu e numbernan a sali tambe! Pesey mes riba Diaranson el a acudi na oficina di Lotto na Playa pa reclama su premio. Aki e funcionarionan a revisa su ticket pa check si el a pone su firma, y e numbernan di banco.
Ora cu a scan e barcode, e computer a confirma cu Idabell a gana 12.500 Florin hungando cu e wega di Zodiac. Mesora a cuminza cu e proceso pa transferi e premio electronicamente pa su cuenta di banco.
Idabell a indica cu e ticket ganador el a cumpra na Manton II Lottery na Santa Cruz.
