ORANJESTAD(AAN): E aña aki IBiSA ta bay organiza un asina yama Youth Adventure Camp pa hobennan di 13 pa 17 aña.
E camp ta bay ta den luna di December y ta bay wordo organiza pa 3 dia na 3 diferente lugar.
E prome dia ta bay ta na Arikok, e di dos dia na Mangel Halto y e tercer dia na Bushiri Beach.
camp pa muchanan di 13 - 17 aña.
En total un maximo di 50 mucha por paricipa na e camp cu ta bay ta di 7’or di mainta te cu 2’or di atardi.
E lugar unda tur dia e mayornan mester hiba y busca e muchanan bek ta hay ta na C.D.L. Betico Croes (Sporthal St.Cruz)
Inscripcion pa e camp ta online via e Facebook page di IBiSA.
Ariba e lista di instruccion cu e mayornan ta ricibi ta bay tin e schedule di tur dia pa trece y busca e muchanan bek.
Riba e prome dia e muchanan lo haci un ‘hike’ cu tin como ruta, Rooi Tambu, Dos Playa y cueva di Fontein.
E muchanan lo ricibi un ‘goody bag’ pa cana cune den e ruta y esaki ta consisti difruta, snack y juice.
Durante ruta e hobennan por wak matanan masha grandi di mas bieu na aruba, mientras cu ta bay tin diferente bahada cu obstaculo di baranca.
Si awa yobe e muchanan lo experiencia e rooi cu tin den e ruta.
E dia dos dia lo tin un caminata den awa na Mangle Halto/Santo Largo y un speurtocht durante e ruta unda cu lo traha tambe riba habilidadnan di comunicacion y liderazgo.
Despues di yega bek na Mangel Halto lo tin diferente actividad manere kayak, piscamento y
weganan recreativo.
E di 3 y ultimo dia ta bay ta na Bushiri Beach, unda cu lo tin un competencia fisico y intelectual pa e hobennan.
Ta bay hunga diferente wega fisico di team building y casi na final lo tin un hersengymnastiek.
Na final di dia lo tin premio pa e grupo ganador
