Comandante Jair Tromp:
ORANJESTAD (AAN) -- Comandante di Cuerpo di Bombero, señor Jair Tromp, den entrevista cu DIARIO, a comenta cu tin hopi trabao pa haci den Brandweer, tocante e temanan cu ta regarda e institucion aki.
El a declara cu hunto cu e team cu tin aworaki, ta bay “build up” e Cuerpo di Bombero.
Comandante Jair Tromp a splica cu e reto mas grandi cu tin aworaki den Brandweer ta e personal opleiding, y e material cu pa Cuerpo di Bombero ta hopi importante, y tin inversionnan ta wordo haci pa tur loke mester drecha den e departamento.
Cuerpo di Bombero, ultimamente, ta man yen di trabao y segun Jair Tromp, mester investiga kico ta pasando y analiza precies kico e problema ta, y den e lunanan nos dilanti lo pone mas atencion na loke ta instalacionnan electrico y informa comunidad kico nan mes por haci.
Brandweer ta bezig cu un evaluacion interno pero esaki ta un trayecto basta largo, cu no por keda cla den corto tempo, pero na final lo tin un Cuerpo di cual nan lo ta orguyoso di dje.
Encuanto e ambiente laboral, el a bisa cu te ainda e ta bon, y nan ta sigui build up, y despues di bay internamente nan lo bay den e parti externo, Jair Tromp, Comandante di Brandweer, a señala.
