ORANJESTAD (AAN): Un informacion procedente di Den Haag, ta indica cu Gobierno di Reino a bay di acuerdo cu e peticion cu nan a ricibi recien di Caribe Hulandes.
Esey ta cu tanto Aruba, Curaçao, y St. Maarten lo bay ricibi algun personal militar extra. Esaki a wordo anuncia pa Comandante Hans Leijtens.
E extra Polisnan Militar aki (conoci como ‘Marechaussee’) lo wordo manda riba peticion di e islanan den Caribe, pa yuda den nan lucha contra crimen cu ta cruza frontera.
Commandante Leijtens a bisa, cu e islanan den Caribe ta poni net mey-mey di e ruta cu organizacionnan criminal di Zuid America ta usa. E sosten di Marechaussee pa yuda combati actividadnan criminal na frontera, a wordo discuti tambe den recien negociacionnan cu Hulanda.
