ORANJESTAD (AAN): El a cumpra su numbernan faborito pa e sorteo di Big 4,
y claro el a bira inmensamente contento ora di nota cu e numbernan a sali.
Pesey mes riba Diabierna, Hubert a acudi na oficina di Lotto na Playa pa asina reclama su premio. Aki na su yegada, mesora e funcionarionan a check si acaso el a pone su firma na e banda patras di e ticket, incluyendo su number di banco.
Ora cu a scan e ticket den computer, esaki inmediatamente a confirma cu Hubert a gana 10.000 Florin cu e sorteo di Big 4.
Mesora a pasa pa e proceso di transferi e premio electronicamente pa su cuenta di banco. Hubert a indica cu e ticket ganador el a cumpra na Lucky Cher-Ann.
