ORANJESTAD (AAN): Crisis Team den nan resumen diario a duna di conoce diabierna cu 11 persona a recupera, mientras cu a registra un total di 12 caso nobo di Covid-19, di cual 4 ta no-residente.
E cantidad total di testnan ehecuta diahuebs na e diferente localidadnan na Aruba, entre otro laboratorio di hospital, laboratorionan priva y aeropuerto ta 628 test.
'Positivity rate' entre residentenan ta 15 %.
Casonan activo ta 95 (85 residente). E cantidad di fayecido relaciona cu Covid-19 ta 104.
Hospital a informa cu tin un total di 17 persona interna di cual 4 ta den Cuido Intensivo y 13 riba unidad general di Covid.
