ORANJESTAD (AAN): Un investigacion cu a wordo realisa den pasado a revela cu e edad pa forma un famia di algun hende a subi door di e hecho cu ta tarda mas hopi pa por yega na un trabao vast (fiho).
Antes, por ehempel, hendenan tabata forma un famia na un edad di 25 aña promedio y awendia esey a subi pa 28 of 29 aña pasobra ta tarda nan mas pa yega na un stabilidad financiero, asina Hose Figaroa, Presidente di Sindicato FTA a duna di conoce durante un entrevista interesante den e programa di Hits100 FM, Entrevista di Dia.
El a agrega tambe, cu e companianan door di traha cu subcontratistanan unda cu no tin un relacion director di e trahadornan ta fomentando e inseguridad aki cu tin den e mercado laboral. Pero tampoco por perde for di bista e consecuencianan cu esey lo tin pa e economia.
E hendenan aki no ta bay tin e seguridad suficiente pa inverti manera mester ta den economia, Hose Figaroa a remarca.
