ORANJESTAD (AAN): E cantidad di hende cu a trece desperdicio tabata sorprendente!
Awor hasta Bureau City Inspector ta felicitando distrito di Noord pa a haci e Campaña Limpi Limpi un biaha mas un exito.
Remarcable ta cu aunke awa a yobe, toch e habitantenan di Noord y vecindario a probecha y a haci uso di e oportunidad pa separa nan desperdicio y deshaci di esaki den un manera corecto.
Noord a demostra cu nan ta sostene e limpiesa den bario. Un bes mas danki na e 521 vehiculo- y autonan cu a deposita nan desperdicio na e bakinan na tereno di SV Bubali.
E siguiente lugar di ricibi desperdicio ta Diasabra 21 di October pa distrito di Dakota. Hendenan di otro bario no mag di participa. Corda cu lo controla cu prueba si bo ta di e bario, prome cu bo por benta desperdicio. Esaki lo bay ta Elias Mansur Ballpark (Marlboro Ballpark).
