ORANJESTAD (AAN): Diasabra atardi cu a pasa, a tuma lugar e di dos Full Moon Bike Tour di IBiSA Sport Centrum San Nicolas.
Contrario na 2023 e participacion e biaha aki a kibra tur expectativa. Gruponan di deferente clubnan di ciclismo hunto cu individualnan di e bario, tanto grandi y chikito a participa den un actividad acompaña cu musica creando un ambiente unico.
Hobennan for di 10 aña y tambe adultonan, a participa uniforma y acompaña pa Polis Motorisa y tambe acompaña pa Cruz Cora di Aruba. E Full Moon Bike Tour IBISA Sportcentrum San Nicolas 2024 a haya 131 interesado di cual 80 a participa.
E entusiasmo entre e participantenan tabata notabel asina marcando e evento como exito rotundo. Na final y den cura di IBiSA Sportcentrum San Nicolas tur participante por a refresca na mes cu awa, bebida hidratante y come un fruta.
IBiSA Sport Centrum San Nicolas ta hopi contento cu e acogida positivo di e participantenan y ta gradici pa tur esnan cu a contribui na e exito di e evento. E feedback ricibi lo worde tuma na cuenta pa futuro Bike Tours, cu ta worde organiza den futuro.
IBiSA Sport Centrum San Nicolas ta yama danki na tur cu a participa y cu a sostenene Full Moon BIke Tour 2024 pa boso sosten y participacion.
